PASTORAL BARRUTIA

Zer da Pastoral Barrutia?

Elkarte honek antzeko ezaugarriak dituen eremu batean dauden eliz taldeak (parrokiak, ikastetxe erlijiosoak, kongregazio erlijiosoak…) koordinatu nahi ditu, gure kasuan Getxoko Neguri, Andra Mari eta Algorta auzoak, eta Berango..

ZERGATIK?

Elizbarrutiko gure eliza orain dela urte batzuk konturatu zen ahaleginak batu eta gure egungo gizartearen beharrizanei erantzuna emateko hurbileko eliz errealitateen artean laguntza ematea komeni zela. Gure zeregina da Jesus iragartzea, eta horretarako elkartu eta elkarri lagundu behar diogu, indartsuagoak eta eraginkorragoak izateko.

PBren helburua ez da parrokia bakoitzaren nortasuna ezabatzea, baizik eta kide izatearen sentimendu zabalagoa sortzea eta denok senidetzea Jesusek nahi duen eliza batuan.

NOLA ANTOLATZEN DUGU?

Gure PB osatzen dugun kideen artean loturak eta hurbiltasun sentimendua sortzen joateko, Pastoral Barrutiko Kontseilu bat sortzea proposatu zen, inguruko parrokia eta ikastetxe guztietako ordezkariak bilduko dituelarik. Gobela-Galea PB errealitatea da dagoeneko, eta lehen urratsek fruituak eman dituzte.

“Egizu guztiak bat izan daitezela. Aita, zu nirekin eta ni zurekin biok bat garen bezala, hauek ere bat izan daitezela gurekin.”

(Jn. 17, 21)

KONTSEILUAREN EGINKIZUNAK

  • PBko kideen baterako lana bultzatzea.
  • Fedean heltzeko prozesuak ezagutzea eta koordinatzea (Bataioaren katekesirako prestatzea, Sendotza, Ezkontza, Gazteriaren Pastoraltza, Familia Pastoraltza, etab.).
  • Laguntza (gaixoak, Caritas, migratzaileak), jarduerak (topaketak, komunikazioak, etab.) lantaldeen bidez.
  • Espazio bat eskaintzea, non PBko kide bakoitzaren ordezkariek guztiontzat garrantzitsuak diren gaiak eztabaidatu, hausnartu eta kontrastatu ahal izango dituzten.
  • Jarduera komunak dinamizatzea.
  • Bizkaiko elizaren gainerakoarekin lotzea PB.

7 PARROKIA

2 TENPLU

6 ERLIJIO-KOMUNITATE

IZAN ZAITEZ BOLUNTARIO

Gobela-Galea Pastoral Barrutian zure laguntza izan nahi dugu. Gure misioa gauzatzen lagunduko diguten boluntarioak behar ditugu. ¡ESKERRIK ASKO!

PARTE HARTU